БОЛЕСТИ НА СРЦЕТО И КРВНИТЕ САДОВИ

   БОЛЕСТИ НА СРЦЕТО И КРВНИТЕ САДОВИ

Многу од луѓето кои имаат заболувања на срцето не се ни свесни за тоа. Тоа е така затоа што обично болестите на срцето многу тивко се развиваат. Пред да се појави било какво оштетување на срцето, процесот наречен атеросклероза или (стврднување на артериите) се одвива во артериите на срцето повеќе години. Раната фаза на атеросклерозата се нарекува “масна пруга”. Овој процес не е само на срцевата артерија позната како “конорарна артерија”. Изразот заболувања на конорарните артерии најчесто се однесува на постепено стеснување - атеросклероза додека дејствува на срцевата артерија. Големите и средните артерии на целото тело можат да станат и да се стеснат со натрупување на масни материи.

Но, треба да се знае дека атеросклерозата не представува само насобирање на масни наслаги. Кога маста се насобира на внатрешната страна на артеријата (било која артерија) телото реагира, за да спречи формирање на крвно згрутчување. Тогаш тој ги покрива масните наслаги со дебел фиброзен омотач. Тоа е многу интересен одговор на нашиот организам, бидејки ако се дозволи масниот материал да влезе во директен контакт со крвта, тогаш може да се случи згрутчување на крвта. Значи фиброзниот омотач штити од смртоносно згрутчување. Овај дупли процес на атеросклерозата му дава свое име а тоа е “Атеро” што  го означува кашестиот дел или масниот материал кој се насобира во внатрешноста на артериите  и “склероза” кој го опишува тврдиот фиброзен материал, кој телото го произвел како одговор да се заштити. НО ДО КОГА ЌЕ СЕ ШТИТИ!!!!!

НЕШТО ЗА КАЛИНКАТА...

КАЛИНКА

Мислам дека калинката, со години неправедно е запоставувана од страна на научниците. Во последните 5 години е потврдено со многу истражувања,за здраствените предности при конзумирањето на калинката, и се објавени многу вредни изјави за позитивните билни хемикалии кои произлегуваат од калинката.Докажано е дека сокот од калинката многу добро и превентивно делува во текот на радиотерапиите и хемотерапиите и ги онеспособува клетките на ракот на простатата, исто така се покажа дека калинката е многу моќен антиоксидант и има против воспалителни својства.

Заради големиот број семки кои ги содржи во својот плод калинката уште одамна е симбол на плодноста. По потекло е од пределот што се протега од Иран до северна Индија, од каде што старите Грци го пренеле на Медитеранот. Потоа Маврите го однеле во Шпанија каде што станал заштитен национален симбол, а дури и градот Гранада го добил името по ова овошје (на шпански, калинка се вика гранада). Исцедениот сок од калинки се користи за изработка на традиционалниот италијански напиток: la granatina. Ги ублажува тегобите во климаксот
Постојат три вида калинки: многу кисели и два поблаги вида што се јадат. Според виенскиот професор Хадемар Банкхофер, калинките ги ублажуваат тегобите во климакс, а добри се и за простатата. Денеска се знае дека содржат витамин Ц, витамин Б5 и калиум, а пред се, важни се и билните хормони. „Гинеколозите откриле дека една калинка на ден ги ублажува тегобите во климакс“, објаснува Банкхофер. Во калинката се содржани материи многу слични на естрогените и затоа влијаат на нивото на хормоните. Освен тоа, калинката е овошје против стареење и им помага на младите жени со хормонски проблеми. Оној што редовно јаде калинки, ќе има цврсти нокти и убава коса, а и душевното нерасположение ќе исчезне, тврдат научниците. Новите студии покажуваат и дека билните хормони на калинката го намалуваат ризикот од појава на рак на простата. Освен плодот, во лековити цели се користат и коренот, кората, лушпата и цветот.

Против паразити
Според некои автори, калинката е добра за работа на срцето додека е општоприфатен како средство против цревни паразити. Кората од коренот на калинката и кожичката во внатрешноста на плодот содржат три алкалоиди кои се отровни за цревните паразити, но во одредена доза (0,5-0,6 грама) и за човекот, па може да предизвика вртоглавица, повраќање, пролив и пречки во видот.

Богати со витамин Ц
Калинката спаѓа меѓу најстарите овошја што се користат во лековити цели. Уште од античко време важел за природен лек затоа што е утврдено дека сокот од калинки го подобрува апетитот и ја регулира работата на желудникот, одличен е против скорбут (затоа што содржи многу витамин Ц), а поттикнува и излачување на урината. Освен тоа, има силно дејство против болки и воспаленија. Во комбинација со сок од моркови и цвекло им се препорачува на трудниците затоа што содржи витамини од групата Б, железо, калиум, калциум, магнезиум, фосфор, натриум и витамин PP. Калинката има позитивно влијание на вредноста на тумор-маркерите за простата, PSA-маркери. Лекарите им препорачуваат на мажите секој ден да пијат четврт литар сок од калинки.